Finanziell unterstützt durch
die Europäische Union
Europäisches Verbraucherzentrum Italien Büro Bozen

Telegram cunsumadëures Setëmber 2015

Beilage zur ladinischen Europa-Ausgabe Nr. 63 - Redaktion: Europäisches Verbraucherzentrum


FERIES Y VIAGES

La cunvinzions faledes di cunsumadëures: pudëi se tré zeruch da uni sort de cuntrat.

Mei tan suvënz sciche chëst ann d’instà à la consulëntes dla Zentrela Europeica Cunsumadëures (ZEC) de Bulsan messù tlarì ala/ai cunsumadëures che pudëi rezeder debant da n cuntrat ie na ezezion, dantaldut per cie che reverda i cuntrac dl tëmp liede. Ti ultimi ani cunësc i cunsumadëures n general scialdi bën si rejons, ma tl medemo mumënt ài nce plu suvënz cunvinzions faledes. La cunvinzion faleda che vën dant plu suvënz ie zënzauter chëla che se retré da n cuntrat ie for puscibl y chël monce debant. L risch dla malatia y plu n generel dl fat de ne pudëi no se nuzé di servijes cumprei pëisa sun l cunsumadëur y nia sun l albierch, l tour operator o la cumpanies de jol. La Zentrela Europeica Cunsumadëures (ZEC) de Bulsan à metù adum n curt i dërc y i duvieres di cunsumadëures per canche n cancelea o dejdij servijes dl tëmp liede sun n valguna plates de nfurmazion da garat sun chësc link.
.


MPRËST D’AUTI

Per mpresté n auto iel de bujën de na cherta de credit...ma de ciuna?

Ëis’a apustà n auto de mprëst online ve nuzan de na cherta de credit ma ne ëis nia giapà l auto? La ZEC ve tlarësc ciuldì! “L se trata de n fal che suzed suvënz, ajache cun la chertes paiedes danora possen fé compres online zënza che n ebe problems. Pervia de chësta usanza pënsa la jënt al infal che l medemo vele per l mprëst d’auti. Ma chël ne ie nia nsci, ajache pra i mprësć d’auti, motores y uni autra sort de veicul vëniel for damandà l paiamënt de na cauzion che cur danns che possa n cajo suzeder ntan l mprëst al mesun de transport cris ora”, spliega la consulënta dla ZEC. Sce l ie puscibl crì ora tla prenotazion online na cherta paieda danora iel assolutamënter de bujën lecurdé che tla majera pert di caji se damanda l’aziendes de mprëst d’auti che tl mumënt che n vën a se tò l auto presentea la persona na cherta de credit tlassica cun numeri auzei ora ntesteda a d’ëila. De plu nfurmazions y cunsëies per se mpresté n auto zënza deficulteies ie da garat sun la plata internet dla ZEC de Bulsan.
.


FERIES Y VIAGES

L dejidere de julé: portai de prenotazion y si periculi

Per prenuté joi se nuza trueps di portai de prenotazion online. Ma iel pa propi vëira che che chisc portai pieta la ufiertes a miëur marcià, dantaldut sce n tol n cunscidrazion i cosć de gestion y la cundizions de lamentanza? La Zentrela Europeica Cunsumadëures (ZEC) de Bulsan respuend a chësta dumanda fajan n ressumé di ponc plu mpurtanc.
Sun nosta homepage iel puscibl abiné de plu nfurmazions sun vosc dërc n cont de viages y feries. Pudëis oradechël nes cuntaté al telefonn sot al numer 0471 980939.


Cajo dl mëns
De jené ova n cunsumadëur dl Belje cumprà sun na plata internet taliana cunesciuda spezialiseda tla venduda de tickets per manifestazions cultureles y sportives, doi zedules per la partida Roma – Juventus. Tl ultimo mumënt ie la partida unida spusteda de n dì y l cunsumadëur y si mut ne n’à nia pudù jì a ti cialé ajache i ova bele cumprà la zedules per l jol che ne pudova nia plu unì baratei.
L portal de venduda che ie unit cuntatà dala Zentrela Europeica Cunsumadëures de Bulsan à pita al cunsumadëur doi zedules nueves sciche scincunda per na partida da crì ora, scebën che l ne fova nia de gauja dl mudamënt dla data dla partida.
I doi tifosi dl Belje à nsci pudù jì a ti cialé ai 31 d’agost tl stadio olimpich a na partida Roma-Juventus!